Առավոտյան Ձայն

Առավոտյան քո ողորմությունն ինձ լսելի դարձրու, քանզի, Տեր, հույսս քեզ վրա դրի։ Տեր, թախիծն ու մտատանջությունը խլացրել են ականջներս. բացի՛ր դրանք։

Միայն մեկ ձայն կա, որ կարող է ինձ գոտեպնդել և հոգիս զմայլել. Քո ողորմության քաղցրանուշ մեղեդին։ Միայն Դու կարող ես հեռացնել իմ հոգնաբեկ ականջների մտահոգ ծանրությունը և բժշկել դրանք Քո սիրո քաղցր հնչյուններով։ Ինձ լսելի դարձրու այն առավոտյան, արևածագի առաջին շողերի հետ։ Քո ամենողորմ սերը և՛ ջերմացնող շող է, և՛ կենարար ցող իմ պաղ և պապակ հոգու համար. «այն գիշերվա իմ սուգը ուրախության է վերածում արևածագին»։ (Սաղմոս 29:6, 12)

Աղոթում և խնդրում եմ հավատով քանզի, Տեր, հույսս Քեզ վրա դրի, դու ես Աստուածն իմ և հավատում եմ, որ «Քո բարի Հոգին ինձ պիտի առաջնորդի դեպի արդար երկիր»։ (Սաղմոս 142:10)