Խորհուրդ Մեծ

Խորհուրդ մեծ և սքանչելի,

Որ այսօր հայտնվեց.

Հովիվները երգում են հրեշտակների հետ,

Ավետիս են տալիս աշխարհին:

Նոր Արքա ծնվեց

Բեթղեհեմ քաղաքում.

Մարդկանց որդիներ, օրհնաբանեցե՛ք,

Որովհետև մեզ համար մարմնացավ:

Երկնքի ու երկրի համար անպարփակելին

Խանձարուրով պատվեց,

Առանց Հոր մոտից մեկնելու՝

Սուրբ այրի մեջ բազմեց:

Այսօր ցնծում է երկինքն ի վերուստ

Մեծապայծառ ավետիսներով,

Եւ բոլոր արարածները

Փրկության հանդերձով զգեստավորվեցին:

Այսօր քարայրում հայտնվեց

Քրիստոս Աստծո Որդին,

Եւ հրեղենների բազմությունը

Երկնքից երկիր իջավ։

Այսօր հովիվները տեսնելով

Արդարության Արեգակին՝

Հրեշտակների հետ հերգում էին.

«Փա՜ռք Աստծուն բարձունքներում»:

Ծագեցիր Հորից՝ լուսավորելու արարածներին,

Արդարությա՛ն Արեգակ, Տե՛ր, փա՜ռք Քեզ:

Ծնվեցիր քարայրում, հայտնվեցիր Բեթղեհեմում,

Արդարությա՛ն Արեգակ, Տե՛ր, փա՜ռք Քեզ:

Հովիվներին հայտնվեցիր, մոգերը Քեզ երկրպագեցին,

Արդարությա՛ն Արեգակ, Տե՛ր, փա՜ռք Քեզ:

Մենք ևս երգենք, որ Կույսից մարմնացար.

Արդարությա՛ն Արեգակ, Տե՛ր, փա՜ռք Քեզ:

Սբ. Մովսես Խորենացի, Օրհնութիւն Սուրբ Ծննդեան ԴԿ

Գրաբարից աշխարհաբարի վերածեց Մեսրոպ վրդ. Պարսամյանը